Surpriza pa fund në Ligën e Kampioneve, mësohen çiftet e turit të dytë

Liga e Kampioneve ka dhuruar mjaft rezultate surprizë në turin e saj të parë dhe sfidat e sotme e kanë konfirmuar këtë, me ndeshje të cilat i kanë dhënë suksesin ekipeve jofavorite për të vazhduar më tej në aktivitet.

Pas barazimit pa gola të ndeshjes së parë, Riga shihej favorite për t’u kualifikuar përballë Dundalk, por ekipi i Herdi Prengës, i ndëshkuar me të kuq, u eliminua falë penalltive. Gjuajtjet nga pika e bardhë kanë eliminuar edhe kampionen e Sllovakisë, Slovan Bratislava, e cila është ndalur përballë Sutjeskës.

I papritur eliminimi i Ludogorets përballë Ferencvarosh të ringjallur, ndërsa Bate Borisov ka kaluar mes shumë vështirësish në fushën e polakëve të Piast Glivice.

Falë këtyre rezultateve, tashmë dihen edhe çiftet e turit të dytë të eliminatoreve të Ligës së Kampioneve që do të përcaktojnë rrugëtimin drejt fazës në grupe të turneut. /vipsport.al/

Rezultatet
Riga-Dundalk 0-0 (4-5 P)
AIK-Ararat Armenia 3-1
Karabak-Partizani 2-0
Rosenborg-Linfilld 4-0
Ludogorets-Ferencvarosh 2-3
CFR Kluzh-Astana 3-1
Piast Glivice-BATE 1-2
Maribor-Valur 2-0
Sutjeska-Slovan Bratislava 1-1 (3-2 P)
Sëlltik-KF Sarajevo 2-1

Turi i dytë
CFR Kluzh-Makabi Tel Aviv
BATE-Rosenborg
TNS-Kopenhagë
Ferencvarosh-Valeta
Dundalk-Karabak
Saburtalo-Dinamo Zagreb
Sëlltik-Nome Kalju
Crvena Zvezda-HJK
Sutjeska-APOEL
Maribor-AIK
Viktoria Plzen-Olimpiakos
PSV Eindhoven-Bazel