Skuadra i bëri 3 gola dhuratë për ditëlindje, trajneri i Debrecen: Pres reagim të fortë nga Kukësi

Trajneri i Debrecenit, Andras Herczeg, ka festuar në mënyrën më të mirë të mundshme ditëlindjen e tij. Tekniku ka parë se si ekipi i tij ka shënuar 3 gola përballë më shumë se 10 mijë spektatoreve ndaj Kukësit, gola të cilët lojtarët ia kushtuan atij duke kujtuar se pikërisht sot festonte 62-vjetorin.

”ishte fantastike të shihja shumë se 10 mijë tifozë të pranishëm në stadium. Dua të falënderoj edhe skuadrën për atë që bëri”, the Herczeg pas takimit. “Ne e filluam ndeshjen mirë dhe pastaj kundërshtari mori kontrollon e lojës, gjuajti në portë dhe goditi shtyllën. Ne kemi bërë disa gabime, ndryshuam pastaj edhe mënyrën e rreshtimit”, shpjegoi ai.

“Gjatë pushimit në dhomat e zhveshjeve folëm me lojtarët për këto gjëra. Në pjesën e dytë ekipi luajti mirë, shënoi 3 gola. Por unë pres një reagim të fortë, tre golat mund të jenë një avantazh i madh, por nuk mund të rrish i qetë dhe të jesh i kënaqur me aq. Edhe ndeshja e dytë duhet të shfaqë përqendrim dhe lojë të organizuar. Duhet të jemi të përgatitur sikur të ishte një ndeshje 0-0”, deklaroi ai pas sfidës. /vipsport.al/