Shkëndija me mision në Luksemburg, Mici beson te përmbysja përballë Dudelanzh

Shkëndija nuk ia ka dalë të triumfojë në ndeshjen e parë të Europa League, përballë skuadrës nga Luksemburgu të Dudelanzh. Tetovarët u dorëzuan teksa u mposhtën në shtëpi me rezultatin 1-2. Tashmë, ditën e nesërme Shkëndija do të provojë përmbysjen në transfertë edhe pse nuk do të jetë aspak e lehtë për Kampionët e Maqedonisë së Veriut për t’ia dalë mbanë.

Megjithatë, besimi në grupin e lojtarëve nuk mungon, ndërsa ish-mbrojtësi i Skënderbeut, Gledi Mici shprehet se në Luksemburg shkojnë për të përmbysur disavantazhin. “ Jemi këtu në Luksemburg për të synuar të përmbysim rezultatin e ndeshjes së parë dhe të kualifikohemi në xhiron e tretë të Europa League.

Kemi dy ditë për akomodim, besojmë se jemi të aftë të përmbysim rezultatin negativë dhe jam i sigurt se secili lojtar që do të jetë në fushë do të japë më të mirën nga vetja për të realizuar atë që kërkon nga ne stafi teknik”, u shpreh Mici.

/Egi Çabeli-VipSport.al/