Pas Milinkoviç, edhe “supersulmuesi” nxjerr përfundimisht blof Luftëtarin

Klubi i Luftëtarit del përsëri blof brenda pak ditësh me deklaratën e famshme se ishte në rrugë të mbarë në negociatat me trajnerin Mlladen Milinkoviç dhe sulmuesin Majkëll Olaitan. Tekniku kishte nënshkruar në Suedi për Sirianska në kohën kur publikohej deklarata e klubit gjirokastrit, ndërsa tani rezulton se Olaitan ka hedhur firmën në kontratën e re, dhe jo me klubin që aktualisht është pa trajner dhe pa lojtarë.

Klubi i Apollon Puntou në kategorinë e dytë greke, ku ai kihet luajtur, kishte pasur probleme me dokumentacionin e  licencimit e si rrjedhojë nuk i ishte dhënë fillimisht nga Federata Greke, ndaj lojtarët kishin filluar të largoheshin. Por ai vendim u apelua dhe u përmbys, ndaj Apollon ka lajmëruar kontingjentin që mbetej se ishte i hapur ndaj rinovimeve. Një ndër të parët që ka firmosur kontratën e re duke vazhduar të qëndrojë në kategorinë e dytë greke ishte pikërisht Majkëll Olaitan.

Klubi grek ka dërguar emrin e tij dhe të disa futbollistëve të tjerë për regjistrim për sezonin e ri, ndërsa së shpejti sulmuesi do të dalë në stërvitje me klubin ku ka kaluar sezonin e fundit në karrierë, duke injoruar kështu ftesën e Luftëtarit që ishte i sigurt për firmën e tij. /vipsport.al/