Menaxheri kundër Zidan: Ai është për turp dhe s’di respekt, Bejl largohet kur të dojë vetë

Në Madrid ka një çështje sa i përket largimit të Bejl që tashmë duket se është i pashmangshëm. Zinedin Zidan e la në stol në ndeshjen miqësore ndaj Bajernit dhe pas ndeshjes u shpreh se do të largohet nga skuadra, duke shtuar se është më mirë që të largohet sa më shpejt.

Kjo deklaratë, nuk i ka pëlqyer aspak menaxherit të futbollistit, Xhonatan Barnet i cili ka akuzuar Zidanin se është ai, personi që nuk do Bejlin në skuadër. Sakaq, u shpreh se futbollistit uellsian, do të largohet në momentin që do vetë dhe jo kur Zidan të dojë.

“Zidan është për turp duke mos ditur t tregojë respekt për një futbollist që ka bërë shumë për Real Madridin. Bejl do të largohet nga Reali, vetëm në momentin që ai do vetë dhe jo sepse Zidan do që të largohet. Ne jemi duke punuar për të ardhmen e tij dhe Zidan nuk e do në skuadër”, u shpreh Barnet. /Erjon Allaraj-VipSport.al/