Interi dhe Lazaro të destinuar për njëri-tjetrin, në adoleshencë mamaja e ndaloi të transferohej te zikaltërit

Para pak ditësh, Valentino Lazaro u prezantua si përforcimi i Interit në këtë merkato, teksa u transferua nga Herta e Berlinit. Lojtari do t’i shërbejë shumë trajnerit Antonio Konte pasi përshtatet me skemat e teknikut, ndërsa mund të mbulojë të gjithë ‘korsinë’ e djathtë. Austriaku iu kushtoi zikaltërve 22 milionë euro, teksa klubit të Hertës, italianët i detyrohen edhe disa bonuse në varësi të paraqitjeve të lojtarit.

Mirëpo, këtë shpenzim Interi edhe mund ta kishte shmangur nëse do të kishte transferuar anësorin para disa viteve. Lazaro ka qenë pjesë e klubit të Salzburgut dhe në vitin 2013 drejtori në atë kohë Pier Ausilio ishte interesuar për ta sjellë në Milano. Marrëveshja me klubin austriak ishte në rregull, por në fund ajo që vendosi veton ishte mamaja e futbollistit.

Lazaro atëherë 17-vjeç, ishte ende një minoren dhe mamaja nuk u bind ta kishte larg kujdesit të saj. Megjithatë, në vitin 2017 Lazaro u largua për te Herta dhe tashmë është pjesë e Interit. Një rrugëtim i destinuar për të përfunduar te zikaltërit, megjithatë ata që e vuajnë më shumë këtë transferim me vonesë janë drejtuesit e klubit të cilët shpenzuan 22 milionë euro.

/Egi Çabeli-VipSport.al/