Zyrtare/ PSG rikthen në shtëpi njeriun që “grabit” Serinë A, Leonardo përfundon aty ku u dënua

PSG e ka nisur merkaton duke larguar drejtorin teknik dhe vendin e tij te parisienët e ka zënë Leonardo i cili vetëm pak ditë më parë u largua nga Milani. 49-vjeçari brazilian që në të kaluarën ka pasur të njëjtin rol te PSG-ja ndërkohë që ka luajtur edhe si futbollist, rikthehet pas një aventure jo të mirë në Itali.

Me merkaton e bërë synonte të rikthente Milanin në Europë por pa ia dalë me sukses ndërkohë që te PSG nuk ka kujtime shumë të bukura. Në vitin 2011 ai emërohej drejtor i PSG-së ndërkohë që nisi të bënte edhe afrimet e para ku si “qendër tregtare” shihte Serinë A italiane aty ku mori Menez, Sisoko, Sirigu, Mota e Pastore. Gjithçka mori një rrjedhë tjetër në vitin 2013 kur Leonardo u akuzua se ka shtyrë një arbitër dhe u dënua me 9 muaj pezullim, ndërkohë që në një vendim të dytë u vendos të pezullohej për 13 muaj.

Në qershorin e vitit 2014, situata ndryshoi me Leonardon që u shpall i pafajshëm megjithëse kishte vuajtur dënimin dhe vendosi të denonconte Federatën Franceze të Futbollit për prishje të imazhit. Me emërimin e Leonardos si drejtor, PSG synon që të marrë Ligën e Kampionëve pasi në sezonet e fundit ka dështuar. /Erjon Allaraj-VipSport.al/