Zyrtare/ Një tjetër kampion largohet nga Shkëndija, klubet shqiptare vihen pas Eminit

Izair Emini nuk do të jetë më futbollist i Shkëndijës për sezonin e ardhshëm dhe këtë e ka publikuar vetë ish-sulmuesi i Kukësit nëpërmjet një postimi në “Facebook”. Emini arriti të fitojë 3 trofe radhazi në karrierën e tij ku pas titullit kampion me Kukësin arriti të fitojë edhe dy tituj me Shkëndijën e Tetovës.

Pas dy sezonesh me kuqezinjtë, Emini tashmë do të shohë për një tjetër aventurë ku interes ka nga Kategoria Superiore e njëkohësisht nga klubet e Ipko-Superligës së Kosovës. Sulmuesi nga Tetova do të vendosë së shpejti në lidhje me skuadrën e re dhe me të cilën do të luajë sezonin e ardhshëm, ku me shumë gjasa do të zgjedhë kampionatin e Kosovës.

“Te dashur miq desha t’iu informoj të gjithëve që me keni ndjekur e më keni përcjellë gjithmonë, qe prej sot nuk do të jem më pjese e klubit SHKËNDIJA pasi qe nuk ramë dakord. Njëkohësisht dua t’i falënderoj të gjithë pa përjashtim ata që janë në atë klub, normal edhe tifozët tonë sidomos BALLISTËT dhe u them se gjithmonë do të jene pjesë e zemrës sime. Me respekt, i juaji Izair Emini”, shkruhej në postimin e Eminit. /Erjon Allaraj-VipSport.al/