Zgjidhja për Sadikun vjen nga Turqia, e kërkojnë si partner sulmi për Ekuban

E imagjinoni një dyshe sulmi Armando Sadiku-Kaleb Ekuban? Mund të behet realitet që këtë verë, pasi oferta e fundit që ka marrë sulmuesi shqiptar, mund t’i bashkojë të dy në radhët e një ekipi.

Armando Sadiku do të kthehet në stërvitje me Levanten në ditët e para të korrikut, por menaxherët e tij janë vënë në kërkim të një sistemimi të ri, pasi ai nuk pritet të ketë hapësira në klubin spanjoll. Futbollisti kërkon të luajë rregullisht dhe nuk është aspak çudi kërkesa e tij që të shkojë në një skuadër ku mund të gjejë hapësira, ndërsa Levante kërkon të përfitojë mbrapsht 1 milion euro që shpenzoi për kartonin e tij kur e bleu nga Legia.

Zgjidhja mund të vijë nga Turqia, ku Trabzonspor kërkon një sulmues për ta rreshtuar përkrah Ekuban në repartin e avancuar. Klubi ka nxjerrë në shitje nigerianin Nuakaeme dhe kërkon një emër më cilësor për këtë edicion, me Sadikun që është një prej alternativave në shqyrtim. Ashtu si me Ekuban dhe Lids, mendohet transferimi në formë huazimi të lojtarit nga Levante për një edicion, me të drejtën e blerjes së kartonit të tij nëse përmbush pritshmërinë, siç bëri ish-sulmuesi i Partizanit. /vipsport.al/