VIDEO / Një “predhë” për të festuar përsëri, Donjet Shkodra gjen golin te Shakhtar

Donjet Shkodra duket se ka gjetur përsëri formën e tij më të mirë në kampionatin kazak të futbollit, ku është kthyer në një emër të rëndësishëm për skuadrën e Shakhtar Karagandi. Mesfushori i cili në kampionatin shqiptar ka veshur fanellën e Flamurtarit, Skënderbeut dhe Kukësit, u transferua në janar te ekipi kazak dhe pas një fillimi disi të vështirë, duket se është ambientuar mirë me futbollin atje.

Kështu, në ndeshjen e sotme kundër Ajtyrau, ai la shenjë duke realizuara në pjesën e parë të takimit golin e avantazhit për skuadrën e tij. Shkodra përfitoi nga një hapësirë në prapavijë për të lëshuar një nga predhat e zakonshme të tij drejt rrjetës, duke mos i lënë kohë portierit të reagonte. Fatkeqësisht, goli nuk shërbeu për t’i dhënë suksesin skuadrës, pasi ndeshja u mbyll 1-1.

Megjithatë, kjo nuk zbeh kontributin e mesfushorit 30-vjeçar i cili sheh veten gjithnjë e më shumë pjesë të rëndësishme të projektit të këtij klubi i cili ka si synim që në vijimin e sezonit të renditet mes skuadrave që luajnë për një vend në Europë. Pas 18 javëve të para, Shakhtar Karagandi renditet në vendin e 7 me 18 pikë. /vipsport.al/