VIDEO/ Kohë të errëta për Nejmar, sulmuesi dëmtohet në miqësore dhe humbet Kupën e Amerikës

Mbrëmjen e djeshme, Brazili kishte organizuar një miqësore ndaj Katarit, në kuadër të përgatitjeve për kompeticionin e Kupës së Amerikës. Ndeshje e cila u fitua nga Kombëtarja ‘Selecao’ me rezultatin 2-0 falë golave të Riçarlison dhe Gabriel Zhezis. Megjithatë, ndeshja la një shije të hidhur për shkak të dëmtimit të Nejmar. Sulmuesi u dëmtua në minutën e 21, pasi mori një goditje nga kundërshtari.

Nejmar e kuptoi menjëherë dëmtimin teksa pasi la fushën, u pushtua nga lotët në stol.  Dëmtimi erdhi në të njëjtin vend në të cilin u dëmtua gjatë këtij sezoni. Pas përfundimit të pjesës së parë, Nejmar la stadiumin për t’u shkuar në spital. Ndërkohë, Federata e Brazilit ka konfirmuar se 27-vjeçari vuan një thyerje të lehtë të kyçit dhe në këtë formë nuk do të mund të jetë i gatshëm për Kupën e Amerikës.

Në këtë moment të karrierës, Nejmar po kalon një nga periudhat më të errëta, të cilat lidhen edhe me çështjet jashtë fushe. Së fundmi, futbollisti është ngarkuar me një akuzë përdhunimi dhe gjendja psikologjike ishte e rënduar,  ndërsa tashmë dëmtimi i rëndë, i cili do ta lejë jashtë Kombëtares.

/Egi Çabeli-VipSport.al/