VIDEO/ Jo vetëm gafë kur donte penallti, Suarez kërkon edhe kartonin e kuq më të çuditshëm në histori

Luis Suarez ka qenë një nga protagonistët kryesorë në ndeshjen mes Uruguait dhe Kilit. Sulmuesi i Barcelonës nuk ka arritur të shënojë në këtë ndeshje megjithatë, kërkesat e tij të çuditshme kanë qenë të shumta dhe janë bërë virale në rrjetet sociale.

Në një moment gjatë ndeshjes, Suarez ka dalë i vetëm përballë portierit dhe ka tentuar të shënojë megjithatë, gardiani i Kilit ka arritur të ndalë topin. E çuditshme ishte jo pak kërkesa e Suarezit që pretendoi për penallti për shkak se topi e kishte prekur portierin në dorë, kur ishte brenda zonës dhe gjithçka e rregullt.

Sikur të mos mjaftonte vetëm kjo, Suarez ka bërë një tjetër veprim jo pak të çuditshëm. Në një moment, një tifoz i Uruguait ka hyrë në fushë dhe është dashur ndërhyrja “e gabuar” nga ana e një futbollisti vendas që të ndalë tifozin. Në atë moment, Suarez i është drejtuar arbitrit duke kërkuar edhe karton të kuq për futbollistin kundërshtar. Në fakt, me rregullore, Suarez ka pasur të drejtë pasi duhet të jepej një karton megjithatë është konsideruar ndërhyrje për të siguruar mbarëvajtjen e ndeshjes. /Erjon Allaraj-VipSport.al/