U mbaron kontrata, Egnatia ka mbetur vetëm me të rinjtë vendas!

Egnatia bëri një merkato të bujshme verën e shkuar, madje afruan lojtarë me eksperiencë edhe në Superiore. Por, në Rrogozhinë u mjaftuan vetëm me pesëshen e parë. E ardhmja tashmë duket në pikëpyetje, aq më tepër që  është një ekip që shpenzimet mbulohen totalisht nga Bashkia e Rrogozhinës.

Nga sa bëhet e ditur, te Egnatia janë larguar të gjithë lojtarët titullarë që mbyllën sezonin e shkuar. Atyre u ka përfunduar kontrata dhe tashmë janë në pritje të ofertave. Te Egnatia kanë mbetur vetëm disa lojtarë nga të rinjtë vendas dhe nga U-17 që luajtën në javët e fundit.

E ardhmja e klubit varet shumë edhe nga zgjedhjet bashkiake, ndërsa futbolli është me pushime momentalisht…!

E.S./Vipsport.al/