Short me fat për Partizanin, të kuqtë i presin rivalë modestë në rast se eliminohen nga Champions-i

Partizani ka njohur ditën e sotme kundërshtarët në turin e dytë eliminator të Ligës së Europës. Të kuqtë, do të luajnë fillimisht ndaj Karabakut në turin e parë, ndërsa në turin e dytë në rast se kualifikohen dhe kryeqytetasit kalojnë ekipin azer, atëherë do të përballen me fituesin e çiftit Dundalk skuadër irlandeze, dhe letonezve të Rigës. Megjithatë, Partizani duhet të mendojë fillimisht të kalojë Karabakun në raundin e parë. Gjithsesi, edhe nëse eliminohen të kuqtë e kanë një tjetër mundësi për të vazhduar aventurën europiane teksa do të marrë pjesë në turin e dytë të Ligës së Europës.

Skuadra kampione e Shqipërisë ka qenë me fat në short, teksa në turin e dytë të Ligës së Europës do të përballet me humbësin e çiftit Sherif Tiraspol-Saburtalo, skuadër gjeorgjeze. Duke marrë parasysh forcën e Sherifit të Tiraspolit, atëherë me shumë mundësi Partizani do të luajë ndaj Saburtalos, një rival plotësisht i kalueshëm.

Ndërkohë, skuadra kosovare e Feronikelit, fillimisht do të luajë në raundin para eliminator me ekipin e Red Linkoln, ndërsa nëse kalon më tej, përballet me skuadrën e Nju Seints. Ndërkaq, nëse eliminohen kampionët e Kosovës, do të  vazhdojnë rrugëtimin në Ligën e Europës, teksa ndeshen me humbësit e sfidës Ararat-Aik.

Sakaq, skuadra e Shkëndijes në Champions League në turin e parë do të ndeshet me estonezët e Nome Kalju, ndërsa në rast se avancon për në turin e dytë atëherë tetovarët do të ndeshen me një rival tejet të vështirë për t’u kaluar si Sëlltiku. Nëse, eliminohen nga Champions League, atëherë Shkëndija do të luajë me humbësin e çiftit Dudelanzh-Valeta.