Rrëfimi i Hleb: Ronaldinjo e Deko erdhën të dehur në stërvitje, Barça i shiti prej Mesit

Aleksander Hleb është një emër që nuk do të kujtohet edhe aq shumë nga tifozët e Barcelonës. Mesfushori shkëlqeu në vitet e tij me fanellën e Arsenalit dhe më pas u transferua te kalatanasit, por nuk la shenjë aty në sezonin e vetëm ku luajti 36 ndeshje me ta.

Megjithatë, ai sezon ka qenë shumë intensiv jo vetëm prej faktit se Barcelona fitoi çdo trofe të mundshëm, por edhe se filloi me largimet e emrave të njohur të këtij ekipi si Deko, Ronaldinjo, Zambrota e Turam, pas vetos që vendosi Guardiola. Hleb kujton se gjithçka mori shkas nga një incident i veçantë dhe se klubi kishte vepruar me shpejtësi për të larguar Lionel Mesin nga ndikimi i dkeq.

“Një ditë Ronaldinjo dhe Deko erdhën të dehur në stërvitje. A e dini pse i shiti Barcelona në vitin 2008? Sepse kishin frikë se do të humbnin kështu edhe Mesin që do të ndiqte shembullin e tyre”, shpjegoi Hleb në një emision televiziv në vendlindje.

Ai pranoi se asokohe nuk kishte dashur të bëhej pjesë e Barcelonës, por vendimet i kishte marrë dikush tjetër.”Unë nuk desha të transferohesha te Barcelona. Dëshiroja të qëndroja te Arsenali ose të shkoja te Bajern Mynih. Por menaxheri im insistoi pasi e kishte telefonuar Guardiola dhe në fund…”. tha Hleb për etapën e tij të shkurtën në Spanjë. /vipsport.al/