Prapakthehu në Korçë? Skënderbeu: Shehu nuk largohet me një intervistë

Pak ditë më oarë gjatë një emisioni në Supersport, trajneri Orges Shehi njoftoi largimin nga klubi i Skënderbeut, pas vetëm një viti eksperience si teknik i korçarëve. Mirëpo, Shehi ishte më shumë se thjesht trajner te bardhekuqtë duke pasur parasysh vitet e tij si lojtar me Skënderbeu, kohëra të cilat ishin të mbushura me suksese, trofe dhe paraqitje në fazën e grupeve të Ligës së Europës.

Sigurisht, nuk ishte mënyra më e mirë për të përcjellë Shehin, teksa ish-portieri konsiderohet legjendë e klubit. Para pak minutash, vetë klubi korçar nëpërmjet faqes zyrtare në Facebook ka njoftuar se Shehi nuk mund të largohet me një intervistë nga Skënderbeu dhe se me ish-portierin klubin juglindor nuk e lidh vetëm kontrata.

“Një ikonë, legjendë…
2 pjesëmarrje në grupet e Europa League, një play-off në Champions League, dhe 1 play-off në Europa League. 7 tituj kampion, 3 superkupa dhe një Kupë Shqipërie. 9 vite bardhekuq, lider brenda dhe jashtë fushe. Fjalët janë të tepërta, nuk ka arsye për të reaguar, Orges Shehin nuk e lidh kontrata me Skënderbeun por 9 vite plot suksese, emocione dhe dashuri.

Orges Shehi nuk mund të largohet me një intervistë nga Korça dhe padiskutim mbetet një aset dhe pjesë e pandarë e klubit…”, shkruhej në reagimi e klubit. Mbase në Korçë po përgatisin një lamtumirë siç i shkon për shtat Shehit apo ndoshta, një rikthim i mundshëm? Mbetet për t’u parë në ditët në vijim.

/Egi Çabeli-VipSport.al/