Me largimin e De Rosit diçka u ‘thye’, legjenda e madhe romane merr vendimin përfundimtar

Ky nuk ishte një sezon për t’u mbajtur mend nga klubi i Romës. Verdikti përfundimtar i kampionatit përcaktoi se verdhekuqtë në sezonin e ri nuk mund të marrin pjesë në Ligën e Kampionëve, ndërsa edhe në këtë edicion i dhanë lamtumirën kompeticionit më të rëndësishëm europian shumë shpejt, teksa u eliminuan në raundin e 1/16-tave nga Porto.

Ndërkohë, fundi i sezonit solli edhe lamtumirën e një prej idhujve më të rëndësishëm të ultrasve romanë, kapitenit Daniele De Rosi. Mesfushori, i detyruar nga vendimi i klubit për të mos i rinovuar kontratën, tashmë do t’i duhet të mendojë për një eksperiencë të re. Ndërkaq, largimi i De Rosit, dukej se ishte një zgjedhje e drejtpërdrejt nga ana e presidentit të klubit kryeqytetas.

Ndërkaq, në strukturat e klubit ishte edhe legjenda e madhe e klubit, Françesko Toti. Toti, ishte kundër atij trajtimi të De Rosit dhe mesa duket diçka është thyer mes tij dhe drejtuesve më të lartë. Së fundmi, duket se ish-sulmuesi ka vendosur të tërhiqet nga posti në klub, teksa do e zyrtarizoi vendimin me anë të një konference për shtyp në ditët në vijim.

/Egi Çabeli-VipSport.al/