Marini zbulon të vërtetën për vëllanë e Ekubanit: Jemi në bisedime për huazime të bujshme

Menaxheri i disa prej futbollistëve në Kategorinë Superiore, Elton Marini u shpreh në emisionin “Rubrika Sportive” se ka bisedime mes disa klubeve të Superiores dhe futbollistëve si Ekuban për huazimin e tyre. Ai sqaroi edhe të vërtetën në lidhje me lajmin që sillte vëllanë e Ekubanit te Partizani.

“Jemi në bisedime ne 2-3 ekipe për huazime të të njëjtës formë si me Ekuban. Kërkesat e klubeve janë dhe është proces me detaje delikate. Duhet të dakordësohen 3 palë dhe shpresoj të jetë drejtimi i duhur për ekipin më këmbëngulës.

E vërteta me vëllanë e Ekubanit është më ndryshe duke qenë se ai është i përqendruar më shumë te studimet dhe jo te futbolli. Nuk e di kush e nxori si lajm, por është plotësisht i pavërtetë. Ai u huazua vjet te një skuadër dhe nuk luajti për asnjë moment pasi është student. Partizanit i kam propozuar një futbollist por të shohim.

Kukësi? Ripërsëris se Rexhinaldo quhet humbje pasi u përshtat me Shkurtajn dhe është lojtar që pavarësisht se ka ardhur vonë, e njeh kampionatin shqiptar. Nuk ka pasur probleme dhe garantonte gola. ka bërë mirë që ka marrë Kitanovskin pasi ka cilësi ndërsa Musta është si lojtar xhol dhe Gjoka e njeh. Cema është i ri ku do bazohen për të ardhmen dhe nuk është se kanë mbaruar pasi Gjici është kërkues. Kanë qenë në bisedime me një lojtar nga Superiorja dhe po shohin jashtë. Merkatoja e Kukësit do të jetë e nxehtë”, tha Marini. /VipSport.al/