Llullaku tregon fitimet e çmendura te Astana: Shumë premio, jepnin 100 mijë euro për çdo lojtar

Kur Azdren Llullaku vendosi të shkonte te Astana në Kazakistan, shumëkush vuri në diskutim zgjedhjem e sulmuesit të përfaqësues i cili asokohe kishte marrë oferta nga klube në kampionate më të forta. Llukaku vendosi të bënte një zgjedhje të rëndësishme ekonomike, pasi me kalimin nga Gaz Metan në Rumani, te klubi kazak, gjërat ndryshuan shumë për të në aspektin financiar.

Një pjesë të këtyre ndryshimeve ai ua ka shpjeguar rumunëve, të cilët e kanë pyetur për avantazhin që ka Astana ndaj Kluj, rival të cilin do të ketë përballë në Ligën e Lampioneve. Sipas lojtarit shqiptar, dy klubet nuk mund të krahasohen financiarisht.

“Ata u paguajnë 30, 40, 60 mijë euro rroga lojtarëve në muaj. Kualifikimi në fazën në grupe të Ligës së Kampioneve ka një bonus  prej 100 mijë eurosh për çdo futbollist. Çdo pikë është 5 mijë euro, që do të thotë me një fitore një lojtar merr 15 mijë euro bonus në Europ”, shpjegoi Llullaku kushtet financiare te Astana, të cilat i kishte pasur edhe ai të përfshira në kontratën me këtë klub.

Eksperienca e Llullakut te Astana ishte shumë e shkurtër, një gjysmë viti, gjatë të cilit ai luajti 18 ndeshje duke shënuar 1 gol me fanellën e klubit kazak. /vipsport.al/