Kukësi me sytë nga UEFA, Torino dorëzon kërkesën për çështjen Milan

Pak ditë më parë, në Nion të Zvicrës u hodh shorti për turin e parë dhe të dytë për në Ligën e Europës, aty ku në turin e parë Kukësi do të luajë ndaj Debrecenit ndërkohë që në turin e dytë do të ketë përballë Romën. Verdikti për të luajtur ndaj Romës në turin e dytë, nuk është përfundimtar pasi pritet që të ketë edhe një vendim të dytë nga UEFA që varet nga Milani.

Kuqezinjtë kanë dorëzuar kërkesën që të largohen nga Europa këtë sezon dhe vendin e tyre mund ta zërë Roma në grupet e Ligës së Europës, ndërkohë që ndaj Kukësit mund të luajë Torino. Klubi “granata” ka bërë kërkesë ditën e djeshme në UEFA që këta të fundit të japin sa më shpejtë një vendim.

Në datën 11 korrik do të luhen ndeshjet e para ndërkohë që Torino duhet të nisë përgatitjet për turin e dytë nëse do të marrë pjesë. Vendimi i UEFA-s është jo me pak interes edhe për Kukësin që pret të njohë zyrtarisht edhe kundërshtarin që mund të ketë në turin e dytë. /Erjon Allaraj-VipSport.al/