Kampionati në Kosovë merr pamjen e Superiores, firmos edhe Sebino Plaku

Sebino Plaku i ka dhënë fund aventurës së tij në Kategorinë Superiore dhe është prezantuar zyrtarisht si futbollisti më i ri i Llapit të Podujevës. Sulmuesi që këtë sezon ishte pjesë e Kamzës ku edhe arriti të shënonte disa gola, u detyrua të qëndronte disa javë pa aktivizim për shkak të dënimit që iu dha Kamzës, megjithatë në Kosovë synon të arrijë sërish formën që kishte.

Sulmuesi Plaku që në Superiore ka luajtur me disa skuadra me emër ku edhe ka arritur të shënojë jo pak gola, ka luajtur në të kaluarën edhe jashtë Shqipërisë. Largimi i tij në Kosovë, është në vazhdën e shumë largimeve të tjera duke qenë se ditët e fundit kanë qenë të shumtë ata që janë larguar, sidomos për te Gjilani.

“ Llapi ka arritur të siguroj shërbimet e njërit ndër sulmuesit më të mirë dhe më me përvojë në Shqipëri, i cili ka edhe karrierë ndërkombëtare, Sebino Plaku do jetë risia e radhës në klubin tonë për edicionin e ri 2019/20. Sebino ka firmosur kontratë 1 vjeçare me Llapin.

Sebino Plaku, 34 vjeç, i lindur më 20.05.1985 në Tiranë. Pozita e tij që luan është qendërsulmues. Pozitat tjera ku mund të luaj Sebino janë edhe sulmues i dytë apo edhe sulmues i krahut të majtë. Ka një karrierë shumë të ndritshme. Ai ka luajtur për shumë skuadra në Shqipëri dhe disa të tjera edhe jashtë vendit. Së pari Sebino ka luajtur për Partizanin e Shqipërisë. Ai ka pasur paraqitje shumë të mira tek Apolonia e Fierit ku ka realizuar 21 gola, tek Dinamo Tiranë(27 gola), Skënderbeu (13 gola), Kamza(13 gola)”, shkruhej në postimin e Kamzës. /Erjon Allaraj-VipSport.al/