Ja tre emrat që pritet të bashkohen me kampionët e Kategorisë së Parë

Bylisi do të zbresë në fushë në 1 korrik, ndërkohë që këtë javë do të përcaktohen edhe lojtarët të cilët do te rinovojnë, kryesisht ata pa kontratë por edhe afrimet e reja që vijnë rishtazi këtë sezon në Ballsh. Por te Bylisi janë mësuar edhe tre emrat e parë që do të bëhen pjesë e skuadrës.

Bëhet fjalë për 3 futbollistë 21-vjeçarë. Sadik Çela që luan si mbrojtës i majtë, Ervis Kasaj mesfushor qendre dhe Jurgers Liçkollari, mesfushori me tipare sulmuese.

Të tre lojtarët në fakt nuk janë emra të panjohur për ballshiotët. Verën e shkuar u afruan Kasaj nga Butrinti dhe Sadik Çela nga Greqia. Të dy lojtarët u pikasën nga drejtuesit e Bylisit gjatë seleksionimeve me kombëtaret e moshave.

Ata janë nga 19-vjeç dhe premtojnë shumë dhe janë pjesë e strategjisë së Bylisit. Si Çela ashtu edhe Kasaj kanë qenë edhe në pjesën e parë të sezonit të shkuar pjesë e Bylisit, ndërsa në janar u huazuan te Vora ku edhe luajtën si titullarë.

Jo vetëm këta por edhe Jurgersi Liçkollari një lojtar që ka qenë edhe pjesë e Shpresave madje ka spikatur me Pogradecin aty ku ka debutuar që në moshën 16-vjeçare si titullarë në Kategorinë e Parë.

Të tre lojtarët në datën 1 korrik do të rreshtohen me pjesën tjetër të skuadrës dhe do të bëhen pjesë e grupit të trajnerit Dovedan. Por jo vetëm këta do të ketë edhe 5-6 afrime për të përforcuar grupin që e ngjiti Bylisin nga e Para në Superiore. Lojtarë me eksperiencë në elitë por edhe në Kategorinë e Parë do të firmosin në Ballsh.

E.S./Vipsport.al/