Ish-presidenti i Realit: Bejl nuk i ka përmbushur pritshmëritë, më vjen keq për të

Situata në të cilën po kalon Garet Bejl është tejet e rëndë. Ylli uellsian nuk është i përfshirë në planet e trajnerit Zinedin Zidan, ndërsa sulmuesi po vuan për të gjetur një akomodim të ri. Bejl nuk pranon të largohet nëse nuk vjen oferta e duhur dhe në këtë mënyrë tensioni mes lojtarit dhe përfaqësuesve të klubit është i lartë.

Në këtë linjë është edhe ish-presidenti i Realit të Madridit, Ramon Kaldero, i cili shprehet se i vjen keq për situatën në të cilën po kalon Bejl, teksa qartësisht Zidan e ka skarcuar futbollistin në mendjen e tij. “ Bejl është një problem, më vjen keq për të. Por e vërteta është se ai nuk i ka përmbushur pritshmëritë. Pas 6 viteve situata e tij është shumë e vështirë.

Zidan e ka skarcuar në mendjen e tij, kjo u provua në dy muajt kur mori drejtimin dhe e uli Bejl në stol. Për mua opsioni më i mirë do të ishte huazimi, por e di që agjenti lojtarit nuk e pranon këtë mundësi”, tha ish-presidenti.