Intervista për “Vipsport”/ Emini tregon pse la Shkëndinë për Dritën: Më kërkuan edhe në Superiore!

Pesë sezone më parë, Izair Emini la Maqedoninë e Veriut, aty ku kishte spikatur në radhët e Shkëndijës por edhe Renovës dhe u bë pjesë e Kukësit. Madje, me verilindorët luajti dy sezone duke fituar edhe titullin kampion. Më pas u rikthyer sërish në Maqedoni, aty ku si titullar spikati sërish me tetovar, duke fituar trofe por dukje spikatur edhe si një nga shënuesit kryesore në skuadrën e tij por edhe në elitën e futbollit të shtetit fqinj.

Por, pak ditë më parë shkëputi marrdhëniet me tetovarët, ndonëse ata e kishin në plane. Emini zgjodhi që të vijojë karrierën në Kosovë, me një nga ekipet pretendente, Dritën e Gjilanit. Në një intervistë për “Vipsport.al”, Izair Emini tregon arsyet se pse zgjodhi Kosovën dhe Dritën për të vijuar karrierën…

-Emini nga një idhull, lojtar kryesor dhe shënues largoheni befas nga Shkëndija. Pse e morët një vendim të atillë?!

Të them të drejtën e lash Shkëndijën sepse e pash se nuk kisha çfarë të japë për atë klub me shumë. I kam bërë të gjitha dhe mendoj se ishte koha edhe momenti që të iki dhe të ndryshojë klimë.

-Vendosët të shkonit në Kosovë…

Zgjodha Kosovën sepse edhe këtu ku kam ardhur dua që të bëhem kampionë dhe mendoj se do t’ia dal.

-A keni pasur oferta nga Shqipëria dhe Maqedonia e Veriut, sepse emri juaj është përfolur në shumë ekipe?

Kam pasur shumë oferta që kanë ardhur në adresën time. Unë i falënderoj ato klube që më kanë kërkuar sepse është vlerësim. Por, unë zgjodha Dritën e Gjilanit sepse ishte e para që më ka kontaktuar dhe ajo që është më kryesorja më ka plotësuar të gjitha kërkesat e mija.

-Cilat janë synimet tuaja në kampionatin kosovar dhe sa e njihni atë garë?

Synimet janë që të ndihmoj ekipin sa më shumë që mundem, unë mund t’u siguroj se do të bëj më të mirën nga eksperienca dhe aftësitë e mia që skuadra e Dritës të jetë në nivele sa më të larta dhe të realizoj synimet madhore që ka.

-Kosova është pëlqyer shumë edhe nga lojtarët e Superiores, me një pjesë që ke luajtur edhe në Shqipëri…

Po është e vërtetë unë e kam ndjekur tregun dhe lëvizjet. Mendoj se futbolli në Kosovë është duke përparuar me hapa kryesore dhe besoj se do të rritet shumë shpejt me përfaqësimin edhe në Europë.

-Më mirë në Superioren shqiptare apo në Kosovë?!

Është ende herët që të bëj të tilla komente, ndoshta në fund të sezonit mund të jap një përgjigje më konkrete

Intervistoi: Erjon Saliu/Vipsport.al/