Igli Tare planifikon goditjen e radhës, bëhet fjalë për shqiptarin e shumëkërkuar

Sulmuesi Vedat Muriqi ka shkëlqyer në këtë sezon në radhët e skuadrës së kampionatit turk, Rizespor, teksa e mbylli kampionatin me 17 gola dhe u rendit i dyti në listën e golashënuesve. Shtatlarti i përfaqësueses së Kosovës, me paraqitjet e tij ka tërhequr vëmendjen e disa klubeve, ndërsa ofertat për të nuk mungojnë.

Nga kampionati turk, dy skuadrat gjigante dhe me shumë histori, Fenerbahçe dhe Gallatasaraj, janë vënë në ndjekje dhe po duelojnë për shërbimet e 25-vjeçarit. Ndërkohë, para pak kohësh është bërë i ditur edhe një interesim nga ekipi francez i Tuluzës. Mirëpo, së fundmi për Vedat Muriqin është interesuar dhe skuadra e Lacios. Drejtori shqiptar, Igli Tare ka nisur nga puna për të siguruar një sulmues dhe mesa duket lojtari i përfaqësueses së Kosovës i plotëson kushtet.

Ndërkohë, klubi i Rizesporit për Muriqin nuk zbret nën shumën e 5 milionë eurove, megjithatë për italianët nuk duket një shifër e frikshme. Nëse gjithçka konkretizohej, atëherë Muriqi do t’i bashkohej shqiptarëve të tjerë te Lacio si, Strakosha,Valon Berisha dhe futbollisti me origjinë shqiptare por që përfaqëson Danimarkën, Riza Durmishi.

/Egi Çabeli-VipSport.al/