FOTO/ Sadiku i përgjigjet tifozit kurioz: Po mik, rikthehem në datën 5 korrik

Armando Sadiku e ka lënë pas dëmtimin e rëndë që e ka mbajtur larg fushave për disa muaj duke u rikthyer te Lugano aty ku gjeti edhe golin, megjithatë klubi zviceran nuk e mbajti. E ardhmja e Sadikut tashmë është në udhëkryq duke qenë se ky i fundit ka kontratë me Levanten por asgjë nuk është e lehtë.

Trajneri i Luganos nuk ka dëshirë ta mbajë në skuadër dhe duket se nuk e ka në plane sulmuesin shqiptar duke i bërë me dije që të largohet. Pavarësisht kësaj, Sadiku është i bindur se do të qëndrojë te Levante dhe se mund të largohet vetëm me një ofertë nga një klub tjetër që mund ta bindë.

Një tifoz kurioz i Levantes, i ka shkruar sulmuesit nga Elbasani në profilin e tij në “Instagram” ku edhe e ka pyetur në lidhje me të ardhmen e tij duke qenë se nuk ka qëndruar te Lugano. Përgjigja e Sadikut ishte e qartë: “Po mik, do të rikthehem te Levante në datën 5 korrik”. Tashmë, gjithçka mbetet të sqarohet në javët në vazhdim dhe të shihet se çfarë do të ndodhë me sulmuesin kuqezi. /Erjon Allaraj-VipSport.al/