Fitorja e parë në Champions, Bojku: Ende nuk njihemi mirë, vazhdojmë kështu dhe kalojmë pa problem

Feronikeli arriti të fitonte ndeshjen gjysmëfinale në turin paraeliminator të Ligës së Kampionëve, duke mundur Linkoln Redin me rezultatin 1-0. në një prononcim për “Infosport.mk”, sulmuesi Besmir Bojku që luan si i huazuar nga Shkëndija e Tetovës u shpreh se skuadra ende nuk është në gjendjen më të mirë për shkak se nuk njihen, ndërkohë që shton se me ndeshje të tilla mund të kalohet në turin e parë.

“Ishte kjo ndeshja e parë për mua me Feronikelin dhe që luaj bashkë me këta lojtarë. Nuk njihemi mirë, mirëpo besoj se nga ndeshja në ndeshje do vijnë rezultatet, madje edhe më të mira. Sigurisht që kjo fitore është shumë e rëndësishme për mua personalisht, por edhe për skuadrën në përgjithësi. Jam shumë i lumtur dhe shpresojë të vazhdojmë me këtë ritëm.

Mendoj se jemi ekip më kualitativ, mirëpo një gjë të tillë do të duhet ta dëshmojmë edhe në fushën e blertë. Nëse e përsërisim lojën e ndeshjes së sotme, besoj se pa probleme do ta kalojmë edhe këtë kundërshtarë”, tha Bojku. /Erjon Allaraj-VipSport.al/