Derbi vendos për trajnerin e Çelsit, merr vendim zyrtar për Lampard

Largimi i Sarrit nga drejtimi i Çelsit, ka bërë që të hapet rruga për një kalim të mundshëm të Frank Lampard në Londër. Fillimisht, u mendua se Derbi do të bëhej problem për të lejuar këtë transferim ndërkohë që duket se gjërat kanë ndryshuar.

Klubi i Derbit, ka dalë sot në një komunikatë për shtyp ku ka njoftuar se i është dhënë leje Çelsit dhe Lampardit që të diskutojnë në lidhje me të ardhmen. Blutë e Londrës kërkojnë që të kenë trajner ish-mesfushorin e tyre ndërkohë që duket se edhe Derbi nuk ka asnjë kundërshtim për këtë ribashkim.

Pritet që ditët në vijim të ketë edhe një komunikim të dytë në lidhje me vendimin e marrë, ndërkohë që deri atë ditë, klubet do të jenë në heshtje. “Derbi mund të konfirmojë se i është dhënë leje Çelsit që të diskutojë me Lampard në lidhje me vendin vakant për trajner. Me përgatitjet që po afrohen, shpresojmë që të mbyllet shpejtë ky diskutim, ndërkohë që klubi nuk do të bëjë asnjë koment tjetër, deri sa të jetë e përshtatshme”, shkruhej në njoftimin e klubit. /Erjon Allaraj-VipSport.al/