VIDEO/ Ndeshje bamirësie për të përsëritur finalen e 1999, legjendat e Junajtid shkatërrojnë ata të Bajernit

Në kujtim të 20-vjetorit, kur në vitin 1999, Mançester Junajtid triumfonte në finalen e ‘Champions League’ përballë Bajern Mynih, legjendat e të dy klubeve u përballën në një ndeshje bamirësie në stadiumin ‘Old Trafford’.

‘Djajtë Kuq’, udhëhiqeshin në stol nga Sër Aleks Ferguson ndërsa nga ana tjetër për bavarezët drejtonte skuadrën Otmar Hitcfeld. Sakaq, pjesë  e ekipeve ishin emra si Devid Bekam, Geri Nevill apo Jap Stam. Sa i përket rezultatit, ai nuk kishte shumë histori teksa Mançesteri  këtë herë, ndryshe nga viti 1999, fitoi me rezultatin e thellë 5-0.

Sigurisht, rezultati nuk kishte vëmendjen kryesore teksa ndeshja kishte në plan të parë emocionet dhe spektaklin mes yjeve të së kaluarës. Ndërkaq, pjesë e Junajtid ishte dhe trajneri aktual Ole Gunar Solskjaer, teksa shënoi edhe një gol, ndërkohë që në listën e golashënuesve nuk mungoi as Devid Bekam.

/EgiCabeli-VipSport.al/