Siti ndjen presionin e Bajernit, “Qytetarët” të gatshëm t’i përmisojnë kushtet sulmuesit

Në ditët e fundit, me merkaton që është në prag të hapjes zyrtare, kanë nisur edhe interesimet e para të klubeve për futbollistë të ndryshëm. Bajerni i Mynihut duket se do të jetë një nga klubet më aktive në këtë dritare merkatoje teksa bavarezët do të kërkojnë zëvendësuesit e dy të larguarve Roben dhe Riberi.

Objektivi i gjermanëve është Leroi Sane, sulmuesi anësor i Mançester Sitit. Këtë sezon, Sane nuk ka pasur minutat  e kënaqshme në formacionin  e ‘Qytetarëve’ ndërsa trajneri Pep Guardiola ka preferuar të aktivizojë më tepër Sterling dhe Bernardo Silva. Në këtë formë, Sane nuk e përjashton një rikthim në kampionatin gjerman, ku më parë ishte pjesë e Shalkes.

Megjithatë, si një kundërpërgjigje për ofertën e Bajernit të Mynihut, Siti ka menduar të përmisojë kontratën e Sane. Sipas raportimeve nga Anglia, skuadra e kampione është e gatshme t’i rrisë pagën javore sulmuesit, teksa klubi nuk kërkon ta humbasë, pasi cilësitë e Sanes dihen.

/EgiCabeli-VipSport.al/