Shqipëria U19 miqësore ndaj Kosovës U19, ende nuk është publikuar lista e lojtarëve

Më datat 3 dhe 5 qershor, Kombëtarja e Shqipërisë U19 do të zhvillojë dy ndeshje miqësore ndaj Kosovës U19. Ndërkaq, nga federata shqiptare e futbollit ende nuk është bërë e ditur lista e lojtarëve të grumbulluar për ndeshjet miqësore.

Ndërkaq, e kundërta ka ndodhur me Federatën Kosovare, e cila ka publikuar listën e lojtarëve të cilët do të luajnë në miqësoren ndaj Shqipërisë.  Të dyja ndeshjet do të zhvillohen në Kosovë, teksa njoftimi ka ardhur nga Federata e Kosovës. Ndeshjet e fundit të Shqipërisë U19 kanë sjellë rezultate zhgënjyese ndërsa rezultatet sollën edhe ndërrimin e trajnerit, Erjon Bogdani.

Në grupin e kualifikueseve të evropianit 2019, të rinjtë e mbyllën në vendin e fundit, ndërsa nuk arritën të shënonin asnjë gol në tre ndeshje. Sakaq, pas kësaj në krye të 19-vjeçarëve është emëruar Nevil Dede.