Rrumbullaku sfidon Tiranën: Kupa vjen në Kukës këtë sezon!

Simo Rrumbullaku dha dy asiste në sfidën e sotme në Korçë dhe shokët e tij shënuan dy gola. “Rëndësi ka që ekipi u kualifikua, erdhëm për fitore dhe kualifikim dhe ja arritëm. Nuk janë rastësi asistet dhe gola. Ekipi është mbi të gjitha. Madje unë bëra dhe një gabim dhe koraca shënoi. Por ky është futbolli”, – tha Rrumbullaku fillimisht.

Finalja

“Tirana është një ekip i madh dhe me një fanellë të rëndë. Ne jemi Kukësi, që vitet e fundit kemi qenë pretendentë absolut, si në Kupën e Shqipërisë, ashtu edhe në kampionat. Do të jetë një ndeshje e bukur dhe besoj se ne do të fitojmë trofeun”.

Ecuria

“E filluam sezonin me synim për të fituar kampionatin dhe kupën. Nuk e di pse dolëm jashtë garës për titull, ndonëse u përpoqëm shumë. Tashmë jemi në finale, kemi edhe disa ndeshje përpara. Me ardhjen e profesor Nestit kemi bërë ndeshje të mira dhe duhet që të ruajmë këtë ritëm. Kukësi është një nga ekipet më të mira të Superiores dhe do ta mbyllim me nder në kampionat”, – tha Rrumbullaku pas ndeshjes.

E.S./Vipsport.al/