Mungesa e Strakoshës nuk i pakëson shqiptarët, Inzagi grumbullon talentin kuqezi

Lacio luan sot ndeshjen e fundit në transfertë ndaj Torinos dhe ashtu si edhe javët e fundit, mungesa e madhe është sërish Thomas Strakosha i cili ka pësuar një dëmtim në tendinin e Akilit dhe injeksionet e marra në finale, e kanë rënduar më shumë. Megjithatë, Inzagi nuk shqetësohet shumë për portën pasi alternativat që ka i japin siguri.

Portier titullar në këtë takim do të jetë Silvio Proto i cili ka zënë vendin e Strakoshës së dëmtuar, ndërkohë që në stol do të jetë një tjetër talent kuqezi. Portieri i Primaveras, Marko Alia ka marrë një ftesë nga trajneri Inzagi dhe do të jetë sot në stol ndaj Torinos, edhe ky duke shpresuar që të vijë momenti i tij.

Kjo nuk është hera e parë që Alia grumbullohet me skuadrën e parë duke qenë se edhe më parë është grumbulluar. Sakaq, Inzagi ka marrë edhe 7 futbollistë të tjerë nga Primavera, ndërkohë që në të kaluarën ishte grumbulluar edhe Serxho Kalaj por ky i fundit është pjesë e Shpresave tashmë. /Erjon Allaraj-VipSport.al/