Hysaj: Mund të luaja më shumë, por edhe kështu jam i qetë

Prej ditësh në shtypin italian qarkullojnë zëra rreth të ardhmes së Elseid Hysajt dhe asaj që do të bëjë mbrojtësi i përfaqësueses shqiptare në ditët në vijim, sapo të hapet merkato e lojtarëve. Por vetë futbollisti nuk dëshiron të mendojë për merkaton dhe në një prononcim për “Sky Sport” ai ka evituar polemikat edhe për qëndrimin në stol në ndeshjen e fundit të seoznit ndaj Bolonjës.

“Kjo është ndeshje që duhet përballur me mentalitetin e duhur. Objektivi ynë është të bëjmë sa më shumë pikë që të jetë e mundur, është e drejtë të mundohesh të luash futboll dhe të përpiqesh të marrësh pikët.

A mund të luaja më shumë? Sigurisht, por nuk ndjehem i mërzitur pasi disa ndeshje i kam bërë. Kam dhënë gjithmonë maksimumin, jam i qetë dhe i lumtur”, ishin fjalët e tij para fillimit të sfidës. /vipsport.al/