VIDEO / Futbolli në zi, shuhet portieri legjendar që dhuroi pritjen më të bukur të të gjitha kohëve

Bota e futbollit i ka dhënë lamtumirën sot në moshën 81 vjeçare legjendës së portës, anglezit Gordon Benks. Britaniku, i cilësuar për shumë vite si portieri më i mirë në botë dhe padyshim ndër më të mirët në historinë e këtij sporti, u nda nga jeta pas një betejë të gjatë me kancerin.

Benks ishte pjesëtar i ekipit anglez që bëri të tijin Kupën e Botës në vitin 1966 dhe ishte për shumë vite i pakalueshëm nga mbrojtjet kundërshtare në arenën kombëtare e ndërkombëtare. Ndaj nuk është aspak rastësi që për FIFA-n ai ishte portieri më i mirë në bote nga viti 1966, deri në vitin 1971. Ish-futbollisti i Leister dhe Stouk, luajti 73 ndeshje me Anglinë duke qenë pjesë edhe e skuadrës që fitoi vendin e tretë në Europianin e vitit 1968 dhe mori pjesë në Botërorin e vitit 1970.

Pikërisht në vitin 1970, në ndeshjen kundër Brazilit, ai dhuroi atë që cilësohet si pritja më e mirë e të gjitha kohëve. Përballë seleçaos, Benks priti një gjuajtje me kokë nga afër të Pele duke çuar topin mbi traversë, ndërsa sulmuesi brazilian ishte aq i sigurt që kishte shënuar saqë në atë moment filloi të thërriste “gol”, duke mbetur i shtangur pastaj kur pa që topi nuk përfundoi në rrjetë. /vipsport.al/

Once a champion, always a champion 🦁🏆

We are deeply sorry to hear of the death of @England World Cup winner @thegordonbanks.

He was one of the game’s greatest goalkeepers, a provider of stunning World Cup memories & a gentleman.

Our thoughts are with his family & friends. pic.twitter.com/tsD4c71Ixt

— FIFA World Cup (@FIFAWorldCup) February 12, 2019