Dështim i madh i merkatos së Kukësit, gjen menjëherë klubin e ri

Shafik Tigruxha ishte lojtari që Kukësi afroi në verë me shpresën se lojtari do të bënte diferencën në kampionatin shqiptar dhe me besimin se kishte siguruar organizatorin që i mungonte. Por i prezantuar si një nga blerjet më cilësore të viteve të fundit nga verilindorët, francezi u largua pa lënë shumë gjurmë në janar.

Pas 10 ndeshjesh me Kukësin në kampionat, lojtari i dha lamtumirën Superiores, pasi vendin e ttij te Kukësi e zuri Rroca, sepse ishte e qartë që ai e kishte të vështirë të përshtatej me futbollin në vendin tonë. Por për Tigruxhën nuk ka qenë e vështirë që të gjente shpejt një sistemim të ri.

Ai ka fluturuar drejt Azerbajxhanit ku dje është prezantuar te skuadra e Zira. Lojtari ka firmosur deri në fundin e këtij sezoni me klubin e ri dhe shpreson që atje të ketë një eksperiencë më të suksesshme se ajo në kampionatin shqiptar ku do të kujtohet si një nga dështimet e shumta të merkatos së verilindorëve. /vipsport.al/