Ançeloti bën ironi: Titulli i humbur? Sot fituam një pikë ndaj Juves

Barazimi i sotëm ndaj Fiorentinës duket se i ka dhënë fund shpresave të Napolit për të shqetësuar Juventusin në luftën për titullin kampion. Bardhezinjtë tashmë janë 8 pikë larg dhe nesër kjo diferencë mund të shkojë në 11 pikë.

Megjithatë, Ançeloti ka vendosur që në konferencën e sotme të përdorte ironinë për t’iu përgjigjur pyetjeve të gazetarëve të pranishëm.

“A janë shuar shanset për titullin? Sot jemi 8 pikë larg, dje ishim 9 nga Juventusi. Maksimumi do të shuhen pak më shumë nesër”, tha ai, duke lënë të kuptohet se gjithsesi skuadra e tij kishte pasur pak mundësi që t’u afrohej bardhezinjve që kryesojnë të shkëputur,

Ironi kishte edhe për mungesën e Marek Hamshik dhe ndërprerjen e bisedimeve me klubin kinez që kërkon lojtarin. “E kam përshëndetur të enjten dhe nuk e kam parë më që atëherë. Ndoshta do ta rishoh nesër”, ishin fjalët e Ançelotit para gazetarëve. /vipsport.al/