VIDEO/ Ceremonia e ‘Topit të Artë’, ishte edhe kënga që iu bë fiksim lojtarëve të Kosovës

Pak ditë më parë, u mbajt edhe ceremonia e dhënies së ‘Topit të Artë’, që këtë radhë, ndryshe nga 10 vitet e fundit nuk e fitoi as Mesi dhe as Ronaldo, por mesfushori kroat, Luka Modriç i cili shkëlqeu si me fanellën e Realit, ashtu edhe me kombëtaren e tij duke arritur deri në finalen e Kupës së Botës.

Në këtë ceremoni gala, natyrisht nuk kishin si të mungonin këngët e ndryshme, apo edhe nderimet për kampionët e botës të cilët ishin të pranishëm në ceremoni për të marrë çmimet e tyre. Kështu, kënga që iu dedikua Francës pasi fitoi Botërorin, u bë menjëherë hit dhe nuk mund të mungonte në këtë mbrëmje. Këngëtari Vegedream ndezi skenën me këngën “Ramenez la Coupe à la mason”.

Kujtojmë që kjo këngë, u bë hit jo vetëm në Francë por edhe më gjerë. Madje, ishin vetë futbollistët e Kosovës ata të cilët e kanë kënduar në autobus pas një ndeshjeje, duke marrë me mijëra klikime dhe shpërndarje, madje edhe nga vetë futbollistët e Francës si rasti i Mendit. /Erjon Allaraj-VipSport.al/