UEFA me “dorë të hekurt”, vendosen limite për biletat e Champions League

Sezonin e shkuar, Mançester Junajtid dhe Sevilja ishin në “luftë” me njëra-tjetrën, sa i takon çmimit të biletave në ndeshjet mes tyre. Ishin spanjollët ata që nisën gjithçka, duke i shitur biletat për tifozët e Junajtid në një çmim shumë të lartë, plot 100 euro.

Klubi i Junajtid bëri kërkesë për të ulur këto çmime, por Sevilja nuk reagoi, duke detyruar “Djajtë e Kuq” të hakmerren në të njëjtën mënyrë. Kjo situatë nuk i ka pëlqyer aspak presidenti Çeferin, i cili ka thënë:

“Jemi në dijeni të kësaj situate dhe nuk e mbështesim aspak. Jemi vënë në lëvizje për të vendosur një limit në çmimin maksimal të biletave.

Në Bundesligë dhe Premier Ligë, po ecet përpara në këtë aspekt, pasi të dy Federatat kanë pranuar të vendosin çmimin maksimal për biletat mike në 30 euro. E njëjta gjë presim të ndodhë edhe në Champions League”,- përfundoi presidenti i UEFAS.

Veronik Istrefaj – vipsport.al