Rrëfimi i Kompani: Vendi i 3-të i Belgjikës në Botëror, meritë e Guardiolës dhe një…tablete

Belgjika zuri vendin e tretë në Botërorin e Rusisë, rezultati më i mirë në histori për këtë skuadër. Një nga lojtarët më me përvojë të Belgjikës, mbrojtësi Kompani, në një intervistë për televizionin lokal “RTBF”, ka treguar një episod, që ndikoi në kualifikimin e skuadrës së tij dhe gjithçka ka ardhur për meritë të Guardiolës dhe një tablete për të fjetur gjumë.

Mbrojtësi i Mançester Sitit, Vinsent Kompani, ka rrëfyer se ditën para ndeshjes me Brazilin, e vlefshme për çerekfinalet e Botërorit, nuk po e zinte gjumi dhe u detyrua të merrte një tabletë për të fjetur.

Kjo bëri që ai të humbiste pjesën e parë të analizës teknike, ku trajneri Martinez u kishte treguar futbollistëve një video me skemat e Brazilit në lojën pa top. Pasi shkoi me vonesë, Kompani kërkoi falje dhe më pas foli me ndihmëstrajnerin Tierri Henri për atë që i kishte ndodhur.

Pikërisht në atë moment mbrojtësit iu kujtuar që trajneri i Brazilit, Tite, kishte studiuar skemat e Guardiolës te Mançester Siti, kështu që i këshilloi stafit të Belgjikës të përshtatnin një skemë ndryshe për ta surprizuar kundërshtarin. Dhe kështu ndodhi. Goli i parë i Belgjikës, një autogol i Fernandinjos, erdhi nga goditja e këndit, e ekzekutuar nga Çadli dhe të devijuar me kokë nga Kompani:

“Nëse shihen mirë pamjet, – tregon mbrojtësi ekspert”, – mund të vësh re se ndërhyrja ime me kokë është në mes të dy linjave në zonën e Brazilit”. / Vipsport.al