Mesfushori shqiptar: AEK-u zgjedhja e duhur për mua, në Greqi ka shumë gjëra të çmendura

Astrid Ejdareviç, mesfushori shqiptar, ka dhënë një intervistë për “gazeta.gr”, ku ka folur për skuadrën e tij aktuale, AEK, për titullin e parë të fituar në karrierë dhe të ardhmen e tij.

Ajdareviç ka bërë dy sezone të mira në kampionatin grek. Shtatlarti ka luajtur 51 ndeshje për AEK-un dhe ka shënuar 3 gola. Në fjalën e tij, mesfushori u shpreh:

Dy vite te AEK-u: “Ndodhem në një klub fantastik dhe shumë unik. Është një nga skuadrat më të mira që kam luajtur gjatë karrierës time dhe jam shumë i lumtur.

Titulli i parë kampion: “Të jem i sinqertë, erdhi disi vonë. Gjithsesi, jam krenar që në moshën 24-vjeçare kisha një trofe shumë madhor në CV-në time. Kur fiton kampionatin, të gjithë kanë respekt për ty dhe kjo është diçka që më pëlqen shumë.

Situatat në Greqi: “Këtu ka shumë gjëra të çmendura. Sidomos në futboll, ku disa situata janë shumë kaotike. Por mua nuk më shqetëson kjo gjë, pasi është natyra e popullit të Ballkanit të bëjnë kështu dhe unë vetë jam nga Ballkani.

Goli më i rëndësishëm: “E di se shumë do të thoni se rrjeta kundër Olimpiakosit është goli më i rëndësishëm për mua. Dhe vetë mendoj se është, por dhe goli kundër PAOK-ut ishte shumë i rëndësishëm”,- përfundoi Ajdareviç.

Veronik Istrefaj – vipsport.al