Kryeministri Rama elozhe për Canën: Loriku një shembull për sportin shqiptar

I pranishëm mes shumë figurave të njohura në ceremoninë e organizuar enkas për ish-kapitenin e Shqipërisë, Lorik Cana, ishte dhe kryeministri i vendit, Edi Rama.

Kryeministri i Shqipërisë mbajti një fjalim në këtë eveniment, ku i thuri elozhe Canës dhe përloti nënën e këtij të fundit. Në fjalën e tij, Rama u shpreh:

“Jeta e dytë e Lorikut do të jetë frymëzim për më të vegjlit. Për të qenë krenar për atë se kush janë dhe nga vijnë. Fondacioni do ta mëshirojë më së miri qasjen e Lorikut ndaj vetes, njerëzve dhe vendit. Loriku ka pasur mundësi të luajë me kombëtaren e Francës, me të Zvicrës, mund të zgjidhte dhe një kombëtare nga Lindja e Mesme.

Por ai e kishte ëndërr të zgjidhte Shqipërinë. Kjo është më shumë se nga ana sportive. Jo rastësisht lidhet fanella kuqezi me interesin për historinë e shqiptarëve. Loriku i ka qejf librat, jo si Murati. Fondacioni do të jetë pikë bashkimi për të gjithë ata që kanë një ëndërr.

Loriku do jetë një nga shembujt në sport që provojnë që një ëndërr që e shikon me sy hapur njeriu mund të arrij. Loriku ka qenë i gatshëm të paguaj “çminim”. Nuk e ka lënë baba që të tërhiqet. Unë duhet ta mbyll duke i thënë babait të Lorikut që po mos ishte nëna nuk do ta kishe bërë dot Lorikun futbollist”,- përfundoi kryeministri Rama.

Veronik Istrefaj – vipsport.al