‘I pavlefshëm’ për kombëtaren e Panuçit, Agolli në formacionin e javës

Nëse në Kombëtare nuk grumbullohet për shkaqe të ndryshme nga tekniku Kristian Panuçi, ndryshe është situata në kampionatin azer për Ansi Agollin i cili po kalon një moment të mirë me skuadrën e Karabakut. Në ndeshjen e fundit ndaj Keshlas, e fituar nga Karabaku me rezultatin e thellë 5-1, Agolli ishte një nga më të dalluarit në fushën e blertë.

Performacnca e tij ka bërë që Agolli të përzgjithet në formacionin më të mirë të javës dhe së bashku me të, janë edhe më shumë se gjysma tjetër e skuadrës, ku në formacionin me 11 futbollistë, 8 janë nga Karabaku.

Kujtojmë që Agolli u grumbullua për herë të fundit para ndeshjes që Shqipëria fitoi 1-0 ndaj Izraelit në ‘Elbasan Arena’, duke mos u aktivizuar ndërkohë që në ndeshjet e tjera, Panuçi nuk e grumbulloi fare. /Erjon Allaraj-VipSport.al/