Hidi: Me Partizanin e veçantë, por më e vështirë me Skënderbeun

Teuta luan këtë javë në Durrës ndaj Partizanit kryesues dhe në prag të këtij takimi, për ‘RTSH’ ka folur portieri i Teutës, Isli Hidi i cili ka vlerësuar takimin ndaj Partizanit si të veçantë për vetë faktin se të kuqtë janë në vendin e parë. Megjithatë, për Hidin ndeshja më e vështirë ka qenë ajo ndaj Skënderbeut dhe jo kjo ndaj Partizanit.

“Ndeshja me Partizanin është e veçantë pasi luajmë me kryesues. Do të jetë takim i luftuar dhe shpresoj të japim më të mirën. Me ndeshjet që ke i kaluar, më shumë vështirësi na ka vënë Skënderbeu, pavarësisht se Partizani na ka mundur ndeshjen e parë me gabimet tona më shumë dhe shpresoj mos t’i bëjmë këtë radhë.

Është kënaqësi dhe jam i kënaqur për këtë arritje por edhe për skuadrën që po bëjmë maksimumin dhe shpresoj të vazhdojmë kështu

Tifozët durrsakë duhet të vijnë pasi është mbështetje e madhe dhe me formën që po kalojmë, kemi nevojë për lojtarin e 12. Kemi besim se do të na mbështesin”, u shpreh Hidi. /Erjon Allaraj-VipSport.al/