VIDEO/ Sulmuesi i Serbisë bëhet gazi i botës me panenka: Jam budalla

Serbia arriti të fitonte ndaj Malit të Zi me rezultatin 2-1, duke hedhur një hap të sigurt drejt “Play Off”-it të Europianit 2020. Vendimtarë në këtë takim, kanë qenë golat e shënuar nga Ljajiç dhe Mitroviç në pjesën e parë.

Pikërisht ky i fundit, është bërë qesharak në këtë takim dhe shkak për këtë është bërë një penallti. Në minutën e 38, kur rezultati ishte 2-0 në favor të serbëve, Mitroviç ka ekzekutuar një penallti në mënyrën më qesharake të mundshme. Ai vendosi të godiste me “Panenka” por goditja e tij përfundoi mbi traversë, duke shkaktuar jo pak të qeshura te tifozët.

Në përfundim të takimit, vetë Mitroviç pranoi për mediat se vendimin për të goditur në atë mënyrë, e kishte marrë vetëm në momentin  fundit dhe e pranon se ka bërë një gabim të madh.

“Nuk e kuptoj as vetë pse e godita në atë mënyrë. Pashë Dipein një ditë më parë dhe zgjodha ta godisja ën momentin e fundit. Jam një budalla”, u shpreh Mitroviç pas ndeshjes. /Erjon Allaraj-VipSport.al/