Shkëmbi teston skuadrën me ndeshje brenda familjes

Teuta e ka mbyllur javën me një test brenda shtëpisë, ku trajneri Blendi Shkëmbi ka preferuar që të aktivizojë të gjithë lojtarët e gatshëm. Si rrjedhojë, trajneri i durrsakëve e ka ndarë skuadrën në dy grupe. Titullarët në një ekip dhe rezervat në skuadrën tjetër.

Skuadra fituese në këtë ndeshje kontrolli ka qenë ekipi i titullarëve.  Ndërkohë, ndonëse do të jenë gati për ndeshjen e radhës me Luftëtarin, e cila do të zhvillohet në fundjavën e ardhshme në “Niko Dovana” nuk janë aktivizuar: Latif, Boubakar si dhe Hakaj, të cilët janë të rikuperuar, por trajneri nuk ka dashur që të rrezikojë.

Shkëmbi ka menduar që nga sot t’i ketë të tre lojtarët me grupin, për të parë edhe sipas formës së tyre mundësinë e aktivizimit në fundjavë në kampionat.

E.S./Vipsport.al/