(VIDEO) Alioski shënon në Angli, por nuk i mjaftoi “të çmendurit” Bielsa

Lids Junajtid ka bërë një nisje sezonit të shkëlqyer, por në takimin e sotëm kundër Birmingamit është mposhtur me shifrat 1-2. Një ndeshje totalisht për tu harruar për të besuarit e trajnerit Marselo Bielsa, i cili po konsiderohej si “zot” në Angli nga tifozët e Lids.

Kjo humbje sotme nuk ka qenë një rezultat i lehtë për tu pranuar, pasi Bielsa dhe djemtë e dinë bënë gjithçka që të shmangnin humbjen. Edhe pse e panë veten në disavantazh të dyfishtë brenda pak minutash, vendasit nuk u dorëzuan për asnjë moment dhe sulmuan përgjatë gjithë takimit.

Madje, arritën të gjenin dhe një gol, me anë të sulmuesit shqiptar të Maqedonisë, Alioski. Në minutën e 85′, sulmuesi realizon një gol të bukur, por jo shumë i rëndësishëm për skuadrën e tij, pasi ndeshja do të mbyllej me humbje 1-2./Veronik Istrefaj – vipsport.al/