Milani bën gati një listë me talente brazilianë për në janar, meritë ka një “ish”

Milani po vëzhgon shumë talente në Brazil pas kthimit të Leonardo në menaxhimin e “Rossonerëve”. Një lojtar që ka tërhequr interes të veçantë është Pedro Guilerme nga Fluminense, një sulmues i lindur në vitin 1997.

Sipas “SportMediaset”, jo vetëm Leonardo, por edhe ish-mbrojtësi i Milanit, Serzhinjo është duke ndjekur sulmuesin e ri. Braziliani është duke bërë shumë mirë në kampionatin amerikano-latin dhe Serzhinjo është duke u përgatitur për të dhënë dritën jeshile për transferimin e Guilerme në Milano.

Në moshën 21-vjeçare, Guilherme ka shënuar 10 gola në 19 ndeshje në kampionat, duke shtuar dhe dy asiste. Përveçse në kampionat, Ai ka shënuar edhe 2 gola në 4 ndeshje në Kupën “Sudamericana”. Një talent që premton shumë për fazën sulmuese./Veronik Istrefaj – vipsport.al/