FOTO / Me tren drejt Rrogozhinës, ultrasit e Lushnjës për t’u marrë shembull

Tifozët e Lushnjës dje kanë dhënë një shembull shumë të bukur se si duhet të jetë tifozeria e vërtetë. Qindra mbështetës të skuadrës kanë organizuar një festë të vërtetë për transfertën drejt Rrogozhinës, duke shkuar me tren për ndeshjen që skuadra e tyre luante kundër Egnatias.

Entuziazëm në qytet, entuziazëm gjatë gjithë rrugëtimit me tren dhe pastaj entuziazëm në stadiumin e Rrogozhinës. Rreth 500 tifozë e kanë kthyer në festë këtë ndeshje edhe pse në fund rezultati ishte vetëm një barazim 0-0.

“Superiorja të marrë shembull nga Kategoria e Parë, ekipi i zemrës nuk ka kategori”, tregoi për Vip Sport një nga mbështetësit e skuadrës lushnjare që morën pjesë në këtë transfertë të veçantë të ekipit të tyre. /vipsport.al/