Fitorja me PAOK-un “streson” Çelsin, në luftë me kohën për shkak të… motit

Çelsi arriti të merrte një fitore të rëndësishme në transfertë ndaj grekëve të PAOK-ut me rezultatin e ngushtë 0-1, por kjo fitore i ka stresuar disi blutë e Londrës. Ata kishin planifikuar që të fluturonin direkt pas ndeshjes së Ligës së Europës për në Angli, ku do të nisin edhe përgatitjen për takimin e së dielës në kuadër të Premier Ligës ndaj Uest Hemit.

Planet e Çelsit nuk kanë shkuar ashtu siç duhet, duke qenë se për shkak të motit të keq që ishte në Greqi, është anuluar fluturimi i skuadrës angleze dhe në këtë mënyrë, ata janë detyruar që të ikin vetëm ditën e sotme.

Të dielën, skuadra e drejtuar nga Sarri ka një takim delikat ndaj Uest Hemit dhe koha në dispozicion për ta përgatitur, nuk premton shumë pasi dita e sotme ka humbur pa stërvitje dhe ekipi i Çelsit do të duhet të mjaftohet vetëm me stërvitjen e së shtunës. Pasdite, pritet që Çelsi të niset nga Greqia dhe pas disa orësh të arrijë në Londër. /Erjon Allaraj-Vipsport.al/